قالك هدا واحد مشا عند الطبيب ولقى فيه السكر.فاش مشا لدارو وبداو الناس كيزوره كيقولولو اش قالك اطبيب؟ قال لهم قالي الطبيب راك حلو
---------------------------------------------------------------------------------------------------------------------------
قاليك هذا واحد سكرااان داز فضو لحمر هو يوقفو لبوليسي قاليه آ سي راك دزتي ف ضو لحمر قاليه سكران ومشي شي حمورية.
---------------------------------------------------------------------------------------------------------------------------
قاليك هاذ واحد هو أو صحبتو غادين كايتسراو فدروبا أو حشمانين . بقاو ساكتين وحد شوية قاليها قوليلي شي كلمة حلوة ..قاتليه سكارة .قاليها لا شي حاجة كتجمعنا انا وياك قا لت ليه سيارة الشرطة
---------------------------------------------------------------------------------------------------------------------------
هذا واحد خواف غادي يشري 10 دراهم تاع لحشيش بانت ليه سيارة البوليس هو يلوح 10 دراهم
---------------------------------------------------------------------------------------------------------------------------
هذا واحد شرا موطور 103 أو شفروه ليه .مشا عاوتاني شرا 103 آخر أوشفروه ليه ..من بعد مشا ديكلارا عند البوليس أو قاليهم شفرو لي 207ناقص واحد
---------------------------------------------------------------------------------------------------------------------------
قال ليك هادا واحد الاستاد رسم للتلاميد ضفدعة وقال ليهوم اش هادي
وهو ينوض واحد الكسول للسبورة وهو يقول ليه هادي جرانة قال ليه الحمار
هادي راه ضفدعة و هو يرجع داك الكسول لبلاصتو وقال لصاحبو العجب
كاتبان من البعد بحال شي جرانة
---------------------------------------------------------------------------------------------------------------------------
واحد السيد سرق تريكو و اعطاه لولدو يبيعو هو يتسرق لولدو وفاش رجع سولوا بوه بشحال بعتي التريكو قال ليه براس مالو
-----------------------------------------------------------------------------------------------------------------------
---------------------------------------------------------------------------------------------------------------------------
هاذا واحد السيد ديما خاون شي حاجة من دارهم واحد النهار هو يخون بورتابل لخوه و هما يعيقو بيه و تاصلو بي لنمرة ديال لبورتابل اللي خون و قالو ليه رجع البورتابل راه باقي جديد و هو يقول ليهم و توما غير اللي تخونت في الدار لاصقوها فيا
---------------------------------------------------------------------------------------------------------------------------
هادا واحد عندو الدجاج و كيوكلهم القمح و الشعير و واحد الملرة جاو عندو البوليس و قالو ليه اش كتوكل لدجاج ديالك قا ليهم القمح... قالو ليه مزيان ناس كيموتو بالجوع و انت كتوكل.الدجاج القمح.. سلخوه و جاو عندو مرة اخري و قالو ليه نفس السوال قال ليهم الزبل و الوسخ--حاشاكم-- و قالو ليه بغيتي تمرض الناس سلخوه تاني مزيان المرة التالتة قالوليه نفس السوال قال ليهم كنعطيهم اللفلوس يشريو بوحدهم ليعجبهم
---------------------------------------------------------------------------------------------------------------------------
موضوع: نكت مغربية 
الخميس نوفمبر 13, 2008 7:13 am
